اجتاحت مواقع التواصل الاجتماعي حالة من السخرية الممزوجة بالغضب وتعاطف الكثيرين، والهجوم الشديد على شاب يدعى مصطفى، حيث بدأت القصة، عندما نشرت فتاة لواقعة هروب عريسها في ليلة العرس، وتركها وحيدة في قاعة حفل الزفاف.

وتفاعل رواد مواقع التواصل الاجتماعي بقوة مع تلك القصة، حيث اطلقوا عليها عنوان "مصطفى أبو تورتة" مما أثارت حالة من الجدل على مواقع التواصل وتصدرت "تويتر".

واستنكرت الفتاة فعل خطيبها بتركها في ليلة العرس "الخطوبة"، وحيدة في قاعة حفل الزفاف وبدون أن يقدم لها الشبكة، بحجة مرض خاله.

وفيما يلي نص الرسالة التي نشرتها الفتاة على مواقع التواصل الاجتماعي: 

"طيب مش عادتى أتكلم واحكى عن حياتى الشخصيه على الفيس.. بس الى حصلى مش شوية فمضطرة اتكلم عشان متعبش.. أنا كان مقرى فتحتي زى ما كله عارف على مصطفى و خطوبتى كانت يوم السبت ال فات مفروض هههه.

كان بينا مشاكل زى اي اتنين عاديين مع مامته بقى و خلافات بتحصل اول ما اطلب حاجة وقولت دا عادى بيحصل بس الى متخيلتش انه يحصل انه يسبينى فى القاعه لوحدى، اه والله.

تفاجئت انه مش عازم صحابه ولا قاريبه كلهم وحسيت في حاجة غلط حتى مامته واخته مفيش وحده فيهم جت بركتلى وقولت امشى اليوم.

كل ما أقوله فين الشبكه اللي حنلبسها يقولى اصل اتكب عليها شربات اصل وقع جاتوه عليها، طب خليها بعد البوفيه وكلام كله غريب كدا لحد ما دخلنا بعد البوفيه لقيت اهله كلهم مشيوا.

وقال ايه خالوا تعب، ف يقوم أهله كلهم يمشوا، وأنا في القاعه لوحدى بدورعليه ألاقيه بيصرخ برا و يقول خالى عيان وبيلطم وحاجات غريبه كدا ونا اقسم بالله ما مستوعبه الى بيحصل هو ف واحد خاله عيان عليته كلها بتمشى، الستات اختفو بس كانو بيهزروا فوق نسوا العيان.

والأنيل إننا اكتشفنا إنهم أخدوا التورت معاهم، طب مش خالك عيان ، اخدتوا التورت معاكم و ملبسنيش شبكه، و قبل كل دا بايام جالى البيت و اخد التوينز بتاعت قراية الفاتحة بحجه انه عايز يلبسنى كله مرة واحده ف القاعه ونا هبله وافقت، مجاش ف بالى للحظه واحده انه حيعمل فيا كدا.

دلوقتى حبه اقول كل دا عشان ايه؟ كان ممكن ننهى بالمعروف من غير اذى نفسى ليا،.كان ممكن تسترجل وتيجى تقولى يلا نفركش وكنت لغيت الخطوبه .. مش جى و بترقص وتقولى محضرلك مفاجأه، و فى نيتك تعمل فيا كدا، حسبى الله ونعم الوكيل.

وانى كنيهال مش زعلانه عليك أصلا أنت متستاهلش لكن صعبان عليا نفسى والى حصل وإنى واقفت اتخطب لواحد زيك قليل الأصل

والدنيا يابنى داين تدان و بكرة تشوف، أصل ربنا مبيسبش.

وتانى بقولهالك كنت تسترجل و نمشى بالمعروف بدل ما تعمل فيلم تعب خالك دا و تصغروا نفسكوا بالشكل دا قدام الناس كلها، ولعلمك سهلت عليا كتير أوى لأنى مبقتش زعلانه عليك أصلا ولا فكرالك حتى حاجة وحده عدله.

استعوضت ربنا فى حقى، وحسبى الله ونعم الوكيل تانى، لا يموت الديان، تشوف ده ف دنيتك و ف اختك، وتبقي انت تسمع كلام أمك، وباعت ريكوردات واتس، جدع انت كدة وانتي عملتي حاجات كتير وانه بقي رده أنه يعملي فضيحة ف القاعة".

وسرعان ما انتشرت القصة بين رواد مواقع التواصل عن طريق الكويمكسات الساخرة التي تحمل تعاطفا مع كلام العروس نهال والسخرية من مصطفى ورفض تصرفه الذي لا يمت لتصرفات الرجال بصلة حسب اتهاماتهم.