تحرص الفنانة السورية سلاف فواخرجي، على مشاركة جمهورها الصور المختلفة لها ولأفراد عائلتها، ولكن اليوم  قد شاركتهم صورة من مرحلة الطفولة.

فنشرت، سلاف صورة لها من طفولتها عبر حسابها الشخصي على موقع تبادل الصور والفيديوهات انستجرام، وعلقت  على الصورة كاتبةً: "و منشتقلنا".‏

وكانت سلاف قد صرحت مؤخرًا على قضية قتل فادي الهاشم زوج الفنانة نانسي عجرم للسوري محمد حسن موسى، فقالت "القانون هو الفيصل وفي ظالم وفي مظلوم ، وفي عدالة عالأرض ولو بنسب قليلة، وفي عدالة بالسما اكبر من كل النسب.

كل الناس بتطلب رأي أو موقف من الفنان، والفنان جزء من المجتمع لازم يقول ويحكي اكيد،بس لما بتكون الامور لسا ما اكتملت صورتها، ولما بتكون بإيدين القضاء، نحنا ما فينا نبت أو نعطي احكام وقرارات ولا بيجوز نتدخل لانه الحقيقة بعدها ماوضحت والقضية شائكة جدًا."

وأضافت "ولكل الناس اللي عم تطالبني بإبداء الرأي بالقضية وكأنه قراري هو الحكم ، أو لمجرد إثبات موقف أو اللحاق بسبق السوشيال ميديا (والقصة مو هيك واكبر من هيك ): انا بوقف جنب الانسان المظلوم بغض النظر عن جنسيته، ماحدا بيقبل بالظلم لا الو ولا لغيره، وصحيح السوري انظلم من اخوته كتير، بس التعميم غلط،وبكل بلد في صالح وفي طالح".

وتابعت "الجنسية متل الاسم مالو علاقة فيها البني ادم بتخلق معه، والعنصريين وين ما كانوا هم ناس مريضين، وبوقف اكيد مع ابن بلدي بالحق ولو كان بآخر ما عمر الله، وكل نقطة دم منه هي من دمي، ولو نانسي و د.فادي مذنبين اكيد رح ياخدوا جزاءهم، بس الموضوع اكبر مننا ومن تقييمنا".

ويذكر أن الفنانة سلاف فواخرجي، شاركت في الموسم الرمضاني الماضي، بمسلسل "خط ساخن"، الذي شارك في بطولته حسين فهمي ‏ونضال الشافعي، إخراج حسني صالح‎.‎