أعلن المطرب رامي جمال، اليوم الإثنين، عن إصابته بمرض البهاق خلال الفترة الماضية، مشيرًا إلى أنه راضي بقضاء الله.
وكتب رامي جمال عبر حسابه الشخصي بموقع الصور والفيديوهات "إنستجرام"، قائلًا: "الحمد لله الذي أحبني فابتلاني وأقدرني على الصبر.. من فترة ظهرت بقع بيضاء في جسمي وبالكشف عرفت إنه مرض البهاق ، وجربت أنواع علاج كتير ودكاترة كتير ومفيش فايدة".
وتابع رامي جمال قائلًا: "رضيت وسلمت أمرى لله عشان عرفت إن الزعل بيزوده وكفاية شغلانتي وصعوبتها والقلق الدائم من المستقبل، وفعلا بقى بيزيد لدرجة لفتت نظر ناس كتير، اللي بقى يقولي هتتعامل إزاي وأنت فنان واللي يخاف يسلم عليا واللي يسألني هو ده معدي".
وأضاف رامي جمال: "أنا بقالي سنة فعلا لو عندي حفلة أو تصوير بتعب على ما أشوف طريقة أخفيه بيها، لدرجة خلت ناس تقولي شوف بيزنس تاني أعمله عشان الناس مش هتقبلك كده، وفكرت في كلامهم بصراحة".
واختتم رامي جمال حديثه، قائلًا: "لقيت إن عندي حلين يا فعلا شكرا لحد كده على الشغلانة دي رغم حبي ليها وعدم معرفتي بغيرها، يا إما مش هداريه تاني وتقبلوني بيه وترحموا كل اللي ربنا ابتلاهم بيه من نظرة أن شكله غريب، والحمد لله على نعمة الأهل لأنهم الوحيدين اللي بيقبلوا الواحد زي ما هو".
ما هو مرض البهاق؟
البهاق هو أحد الأمراض الجلدية المنتشرة في العالم، ويعرف بزوال اللون الطبيعي للجلد على شكل بقع بيضاء واضحة، وقد يكون في الجسم كله، كما قد يكون في مكان واحد، وتتكون البقع التي تشكل مرض البهاق بسبب فقدان الخلايا الملونة التي تنتج مادة الميلانين، والتي توجد بشكل أساسي طبيعي في الجلد.
تابع آخر أخبارنا على أخبار غوغول نيوز
التعليقات